Ko poroje keso e nder leydi muritani daraniiɗo duusde ñawɓe ɗamtinaaɓe

Categories: Education.

Cairdeas Sahara ina gollondira e pelle tati goɗɗe : hono no fedde muritaninaari nde wona laamiyankoore wiyeteende Action Sahara pour la Santé, l’Innovation, le Développement et l’Éducation (ASSIDE), wonndude e fedde walliyankoore adunaare jeyaande to ledi Ekos (Ecosse) wiyeteende Cairdeas International Palliative Care Trust e kadi wondude e fedde wonnde nde wonaa laamiyankoore jeyaande to leydi Siwis (Suisse) wiyeteende, Consulting, Training and Support (CTS).

Koɓuri heewde e ɓeen jaŋngintenooɓe (formaaɓe) meeɗaani nande ko feewti e oon fannu topitaagol ñawɓe nder jaŋɗeele-muen ɓennuɗe, walla nih e-nder nokkuuji maɓɓe gollorɗe. Nde ɓe naamnaa hol yiyannde maɓɓe e nafoore ko ɓe njanginaa ko, pormaako, gooto e maɓɓe kala jaabii ko gootol e ɗii jaabawuuji ɗiɗi : ina moƴƴi no feewi, walla in moƴƴi ha fakiti.

Heen doge e jaŋde-nde ɓe ndokkaa peewtuno ko e ñeeñaagal haala. Ko ɗeen doge kadi ɓeen jaŋngintenooɓe ɓeh, pormanooɓe, labii ɓurde heewande ɗum- en nafoore.

E nder yeerweri nde ɓe daɗɗuno ko feewti yiyannde muritaninaaɓe e ko feewti maayde yooɗnde, les membres du comité d’organisation mbaawii heen heɓde yiyande waɗnde faayiida.

Ummoraade en conngol doktoor Sal Alhuseynu hooreejo fedde ASSIDE «Ko weltaare mawnde wonandemi e addude ballal-am e ɗih ñalɗi jaŋde. Mamin njokku golle teeŋtuɗi mbele ma projet keso o ɓamto, sabu e-nder leydi muritani, duusgol ñawɓe ɗamtinaaɓe ina ina soklaa. Yiɗde-am ko waawde yettaade ɓeen fof ɓurɓe soklude hono ngaal ballal »

E min njogii anniya jokkude sarde e yimɓe-ɓeh ganndal ko feewti e duusde ñawɓe ɗamtinaaɓe e koreeji mu-en. Ko ɗum waɗi emin pewji ñalɗi jaŋde goɗɗi e nder lebbi garooji. E-nder ɗiin ñalɗi mamin njaŋngin ko feewti luggiɗinde ñeeñal haala, ko feewti e sunaare e kadi safaara ɓoosgol tawa fof noon ko e fannu duusgol ñawɓe ɗamtinaaɓe e koreeje-mu-en.

Hooreejo Cairdeas Sahara, Dr David Fearon wiyii wonde jaŋngingol (pormugol) yimɓe liggotooɓe e nokkuji cellal ko feewti e duusgol ñawɓe ɗamtinaaɓe e koreeje-mu-en e nder leydi muritani, jeyaako e himmeeji nay ɗi Cairdeas Sahara jogii. Himmeeji tati keddiiɗi-ɗi ko witto, wallude e safaara e kadi wallude yimɓe e faamaamuya ko feewti e duusgol ñawɓe ɗamtinaaɓe e koreeje-mu-en.

Witto

E mina ngolloo jooni e firtude e [traduction et validation de l’African Palliative Outcome Scale (African POS) de l’African Palliative Care Association (APCA)] e keewɗe e ɗemɗe e nder leydi muritani hono farayse (mo muritani), arab , sapatoore (hasaniya) e pulaar.

Oon liggeey tuuŋnii ko e jamirooje fedde POS wonnde to King College de Londres wonndude e ballal firooɓe ɗemɗe e kadi e liggotoɓe e batte cellal tuggande ma e leydi muritani, haa Senegal, ha Tunisie , ha Maroc ha Sudan.

ɗeen golle ngoɗɗoyii no feewi to batte rogere sapatoore-nde.

E ooɗo sahaa, Doktoor Fearon fuɗɗiima yillaade won e ñawɓe e-nder koɗorɗe mu-en. Kono tan golle ɓurɗe teeŋtuɗe ina kuccana e nder sahaaji garooji yeeso. Ma min ƴettu efermiyeeji ɗiɗi jogorɓe liggoyaade e amen mbele e min mbaawa yettooyaade ñawɓe e nokkuuji mu-en walla kadi nder cuuɗi cellaal saaga nde ɓe njillii ɗiin nokkuuji.

E nanondiral mahingal min jogodi e Centre National d’Oncologie gila e fuɗɗoode, ko toon ko ɓuri heewde e ñawɓe amen ummortoomin.

Le plaidoyer

E ooɗo sahaa, e nder leydi muritani kala, alaa tawo nokku goodɗo keptinaa-ɗo (officielle) liggotooɗo e duusde ñawɓe ɗamtinaaɓe e koreeji mu-en. Keɓgol ɓeen ñawɓe heɓɗe pinguuji morfin (morphine injectable) ina lohi. Hay keɓgol kiin lekki e sifaa poɗɗe morfin moɗeteeɗe ɓooyooje e nder ɓanndu (morphine de longue durée) wonaani ko jokkonndiri sabu tiiɗde ɗumen. Fannu keen lekki ina woodi kadi e ndiyam njareteeɗam (morphine liquide) walla kadi (formulations) ɗe ɓoyata e ɓandu kono tan kadi ɗiin fannuuji leɗɗe ngoodaani e nder leydi Muritani. Ko haɓde e ɗeeɗoon caɗeele hannde ngoni haaju ɓurɗo himmude wonande Cairdeas Sahara.

So on njiɗi andude ko feewti e (projet) , mim mbismiima on e yillaade: www.facebook.com/cairdeassahara

walla kadi (site web) Cairdeas International (www.cairdeas.org.uk) ɓɗñƴŋ

Dr Alhuseynu Sal ko hooreejo ASSIDE to Muritani

Dr Fearon ko hooreejo to bangee cellal (Medical) Cairdeas Sahara. Kadi ko almuudo ɗaɓɓitoowob seedantaagal doctoor e witto en duusgol ñawɓe ɗamtinaaɓe e koreeji mu-en to ɗuɗal jaaɓi haatirde wiyeteende Lancaster, to leydi engeleter (Royaume-Uni)

So-on ngiɗii heɓɗe kabaruuji teeŋtuɗe oɗon mbaawi jokkondirde amen e: d.fearon@lancaster.ac.uk